تارت البيتزا - بيتزا التارت

السلام عليكم

الفكره بسيطه جدا ... وهي عباره عن بيتزا بقوالب التارت ...
شكل جديد .. وتغيير عن البيتزا المعتاده ... وفكره رائعه للضيافه ...

طبعا وللأمانه اللي مسوينها اختي وثنتين من بنات خالاتي ...
قلت بدل السهر ع الفاضي ... نسوي فيها حصة تدبير
انا المعلمه وهم الطالبات <<< اف يا شين سيرة الدراسه ...

ماعلينا ..
ندخل بالمقادير << الابلا عصبيه وما تمزح يعني انتبهوا كويس وترا مافي اعاده

العجينه :
2 كاس دقيق منخول
1 ملعقه صغيره بيكنج باودر
رشة ملح
1ملعقه صغيره من الاوريغانو
نصف كاس زبده طريه (نصف اصبع 100 غرام )
نصف كاس حليب سائل
1 بيضه

الصلصه :
صلصة البيتزا المعتاده
الصلصه المستخدمه في الوصفه( على طريقة الوالده الله يحفظها )
وبقولها باختصار
تجمع حبات الطماطم اللينه في قدر وتغرقها بالمويه اوتخليها ع النار لين تطرى مره ...
بعدين تصفيها من المويه وتقشرها وتحطها بالخلاط (بدون القشر )
وتصبها في قدر ثاني مع بصل مفروم لين تتسبك ..
بعدين توزعها في علب صغيره (مثل علب الحمص اللي بالمطاعم )
وتفرزنها ,,,
ونستخدمها لكل شي يحتاج لصلصه ..
مثل للبيتزا ,.. اطلعها واخليها ع النار لين تذوب واحط عليها ثوم مفروم ومعجون طماطم وملح وفلفل وبهارات ايطاليه (موجوده بالسوق ) واذا ماعندي احط بهارات عاديه مع اوريغانو او حبق ناشف ..

الحشو :
فطر شرايح
زيتون اسود واخضر شرايح - فلفل رومي اخضر مقطع مكعبات صغيره
وماننسى اهم شي طبعا
جبن موزريلا مبشور

الطريقه << ركزوا زين لاتعصب عليكم الابلا

نخلط جميع مقادير العجينه الجافه و نقلبها مع بعض



ثم نضع الزبده ونفركها بالمقادير السابقه



نخلط البيض مع الحليب



نضيفه الى العجين ونعجن حتى نحصل على عجين متماسك



نجهز قوالب التارت وندهنها بالزيت



نبطن القوالب بالعجينه بسمك متوسط



نضع مقدار من الصلصه في قاع القالب المبطن



نضع الحشو المرغوب



ثم نرشها بجبن الموزريلا



نخبزها بالفرن ولا ننسى تحميرها من الاعلى



وفي النهايه نطلعها من القالب المعدني ونقدمها ...