عبسي محد قدهـ
ذوق نشيط
عدد الرسائل : 31
العمر : 36
تاريخ التسجيل : 30/08/2008
 |  موضوع: عدنان و لينا بالسعوديه !!  السبت أغسطس 30, 2008 6:00 am | |
| عدنان وليناء بالسعودية..... لا تفوتكم
جبت لكم عدنان ولينا بلهجه السعودية
يالله نبدأ :
((عدنان يتحدى المصاااااعب ))
البــــداآـآـيه :
//
(عدنان) : شفيك يالينا معصبه؟
(لينا) : مدري ياخوك احس اني بنخطف زي كل مره
(عدنان) : يهبووون سميرة وعلام وكل جنود القلعه>>> احلي يا الفزعه
(لينا) : مانيب مرتاحه احس اني قبسه وشكلهم بيخطفوني
(عدنان) : اللي يقرب منك بتوطاه هنااااااااااا وادوووس على خشته واوطا في بطنه
(لينا) : يابعد قلبي ياعدنان... انا اشهد انك ذيب
(عدنان) : احم احم تسلمين.. المهم وين عبسي؟؟
(لينا) : مدري يمكن يصيد ضفادع عشان الغداء <<<ياسلااام ولا كبسه ياليت يعزموني معهم خخخ
(عدنان) : وع الله يقرفه ذا الشين... المشكله انه خويي ولازم اتحمل بلاويه
<<<يااااااااااي
(لينا) : يمه يمه .. اسمع صوووت طيارة سميرة يااااويلي!!
(عدنان) : لاتخافين وقفي وراااي واللي يقول عن نفسه رجال يقرب منك
//
**سميره مع الجنود نزلو من الطياره**
**سميره تتكلم بالمايك من بعيد**
(سميره) : سلم نفسك ياعدنان ولاترز وجهك
(عدنان) : اقول انقلعي بس ولايكثر وارجعي من محل ماجيتي
>> مهايطي الولد
(سميره) : انزح وراك... وخلنا نخطف لينا براحتنا
(عدنان) : يخطفك جني يالساااااحره.. اللي يرشها بالميه ارشه بالدم
خخخخخ قويه
(سميره) : اقول لاتتميلح وتسوي نفسك مصري اوكي! <<<هذي اقوى خخخوو
(عدنان) : لينا ماتبيكم ولا تبي عيشتكم.. لينا خطيبتي وانا متكفل بكل مصاريفها
(سميره) : الله واكبر على المصاريف؟ كلها فستان واحد وطق لونه من كثر الغسيل
(عدنان) <<<< طاح وجهه هع هع
(لينا) : انتي عاوزه ايه؟ انا موش هينا انا خرجت بره
(سميره) : اقول انطمي انتي الثانيه لاتسوين نفسك مصريه وتلعبين علي... ترى حركاتكم هذي معروفه
(عدنان) : ماعاش اللي يقول حق لينا انطمي... شكلي بشوتك باند من الجزيره**صارت معركة قوية بين عدنان والجنود**
**في البداية عدنان صفقهم وبعد شوي طاح في الارض وتوطو بطنه**
<<<افااااااا
**الجنود خطفو لينا في الطياره وانطلقو الى القلعة**
(عبسي) : عدناوش فيك نايم؟ سلامات؟؟
(عدنان) : اي.. اح.. ضلوعي متكسرة والركب تتصافق
(عبسي) : ليش؟سلامات؟وش صار؟
(عدنان) : اقول انطم بس... سميرة والجنود كانو هنا وتمردغوني وخذو لينا للقلعه
(عبسي) : افا ياذا العلم؟لماذا لم تخبرني عشان اسوي فزعه؟
(عدنان) : وانا وش عرفني في اي جحر انت؟ طوول يومك تحووس ورى هالضبان والضفادع اقرفتنا في عيشتنا ياشيخ
<<<والله مايستحي عبسي عصب برجال
(عبسي) : طيب ماذا سنفعل الحين؟
(عدنان) : ابيك تراقب الميناء اذا شفت سفينة القبطان نامق علمني عشان نطمر فيها
(عبسي) : حسنا ياسيدي <<<< ماسكه معه الفصحى خخخخخخ
**بعد ساعتين مرت السفينه**
عبسي) : عدناااان وصلت السفينه هيااا بنا
(عدنان) : اسمع خلنا نتوزى في المخزن حق السفينة واذا وصلنا للقلعه ننطلق ورى لينا
**وصلت السفينة الى القلعة**
(عدنان) : انا بروح ادور لينا.. وانت وش بتسوي؟
(عبسي) : انا بفتح اللاب توب واشيك على ايملاتي لين ترجعون <<<< وشو له جاي؟؟ لوووووووول
(عدنان) : انتبه لاحد يشوفك وتوهقنا!! ترى كلها ساعه نسحب لينا ونعود ديرتنا
(عبسي) : لاتخاف اذا حد شافني بقولهم انا برب في المنتدى
>> اشك انه مسجل برجرجه هع هع
**عدنان وصل الى غرفة لينا ويكلمها من ورى الشباك **
عدنان) : حياتي ليونه وحشتيني <<< حلوه ليونه لووووووول
(لينا) : هلا والله... ولكمووووووووو نورت ا.. شخبارك؟ شخبار الوالده؟
(عدنان) : يسلمووووووووو... كلنا بخير ومشتاقين لك
(لينا) : تشتاق لكم العافية
(عدنان) : وانتي شلونتس؟ وش علومتس؟
<<<قلب قصيمي خخخخ
(لينا) : يووووه انا طفشانه مررره وكل شوي يطقوني
(عدنان) : ولايهمك اوريهم... على فكره ترى عبسي جاء معي ويسلم عليك
(لينا) : وينه الشين؟؟ شخباره؟ عساه طيب؟
(عدنان) : ابشرك بخير ونعمة... والرجال يحترينا عند السفينه
(لينا) : طيب يالله انقذني بسرعه وراك تحب السواليف؟
(عدنان) : ابعدي شوي تراني بضرب القزازه براسي واكسرها
** تم انقاذ لينا وانطلقو الى السفينه***
عدنان) : عبسي يالله سرينااااااا
(عبسي) :ولكموووووووو نورت هلا وغلا
(لينا) : ياشباب ترى سميره تركض ورانا بالمشعاب.. بسرعه نبغا نهرب في السفينه
(عبسي) : المصيبة ان القبطان نامق نايم مع وجهه
(عدنان) : دق عليه جوااال وخله يصحى ماعاد فيه وقت
**اتصال**
نامق) : الووو.. مين معي؟
(عبسي) : نامق تكفى ترى تكفى تهز رجال
(نامق) : ابشر بعزك... امر وش بغيت؟
(عبسي) : قم شغل السفينه وخذنا معك نبغا نهرب من سميره
(نامق) :ياويل حظي لاتقول سميره ترى اخق من طاريها
(عبسي) : اقول بلا هذره اخلص علينا نبغا نفرك من هنا
(نامق) : اوكي تعال السفينة وماعليك انا بتصرف
**ركبو السفينة ونامق نزل عشان يتكلم مع سميره**
(سميره) : وينهم؟ وين خبيتهم؟؟ اعترف؟
(نامق) : ياويل حالي.. عليك عيون ماهيب صاحيه
(سميره) : اقول تقلع بس.. وين لينا؟؟
(نامق) : سميره مستعد اعطيك لينا لكن عطيني قلبك تراني خقيت واللي كان كان
<<<مسوي حبيب الاخ
(سميره) : هاهاهاها ضحكتني... قلبي وش تبي فيه؟
(نامق) : اويلااااه على قلبك.. ابيك تكونين حبيبتي وتاخذين رقمي ونسولف تالي الليل مثل هالمراهقين
(سميره) : يارجال استح على وجهك ترى جوالي سوا <<<< يعني افهمها واشحن لوووول
(نامق) : كل بطاقات السوى تفداااااك بس خليني اسكن قلبك لو ليله وحده كح
(سميره) <<<< تناظر في جزمتها يقالها مستحيه هع هع
(نامق) : وش فيك تناظرين جزمتك؟ ناويه تضربيني صح؟
(سميره) : لا شدعوه ... بس كنت افكر في جوال N 70 يقولون فيه بلوتوث وحركات
<<<والله ماهي هينه خخخوو
(نامق) : شركة نوكيا بكبرها ماتغلى عليك ياقلبي
(سميره) : يؤيؤ لهدرجه تحبني؟؟
**عدنان طل براسه من السفينه**
(عدنان) : ماخلصتو انتو؟؟ ياخي رقمها وفكنا... نبي نمشي
(سميره) : تمشي في عينك.. انا بروح معكم لووول
(نامق) : تفضلي ياقلبي ادخلي برجلك اليمين
(لينا) : يمه يمه.. سميره بتروح معنا؟؟ انا خايفه تضربني
(عدنان) : لا تخافين... نامق مسيطر على الوضع
(عبسي) : كفوو نامق.. الحين نقدر نعيش مرتاحين
انشاء الله عجبتكم
ملطوش | |
|
عذبه المعاني
مساعدهـ المديرهـ
عدد الرسائل : 146
العمر : 40
تاريخ التسجيل : 16/08/2008
| | موضوع: رد: عدنان و لينا بالسعوديه !! الإثنين سبتمبر 01, 2008 5:42 am | |
| ههههههههههههههههههههههههههههههههههههههههههههههههههههههههههههههههههههههههههههههههه وربي عجيبه طول ما انا اقراها والضحكه ما فارقتني مشكور وحتى لو ملطوشه بعد حلوه حبيت القصه ههههههههههههههههه  | |
|
